Belis fan Haarlim (1572-1573)

Belis fan Haarlim (ûnderdiel fan 'e Tachtichjierrige Oarloch) Werjefte fan it belis datum: 11 desimber 1572 – 13 july 1573 plak: Haarlim (Hollân) útkomst: ynname fan Haarlim troch de Spanjerts konfliktpartijen Uny fan Utert Keninkryk Spanje befelhawwers Wigbolt Ripperda Willem fan Oranje don Freark Filips fan Noircarmes sterkte 2.550 ynfantery (Haarlim)    225 kavalery (Haarlim) 5.000 ûntsettingsmacht 14.000[1] ferliezen 2.000 deaden en ferwûnen    (Haarlim) 700 deaden en ferwûnen    (ûntsettingsmacht) 5.000 deaden[2]

It Belis fan Haarlim wie in belegering fan 'e Hollânske stêd Haarlim troch Spaanske troepen yn it ramt fan 'e Opstân yn 'e Nederlannen, dy't letter bekend wurde soe ûnder de namme fan 'e Tachtichjierrige Oarloch. It belis begûn op 11 desimber 1572 en betearde yn in útputtingsslach, dy't net minder as sân moannen duorre. Nei't in besykjen ta ûntset troch de belegerders yn 'e Slach op de Haarlimmermar dwerseide waard, joegen de úthongere Haarlimmers har op 13 july 1573 einlings en te'n lêsten oer. Trochdat dêrnei tûzenen soldaten en boargers fermoarde waarden, jildt it Belis fan Haarlim as ien fan 'e meast beruchte foarfallen út 'e begjintiid fan 'e Tachtichjierrige Oarloch, en teffens as ien fan 'e meast beslissende: neitiid joech gjin stêd him mear oer en fochten de opstannelingen troch oant de dea, om't se wisten hokker lot oft harren by oerjefte te wachtsjen stie.

1. ↑ Aanval op Haarlem Mislukt, yn: Kroniek van Nederland, Amsterdam, 1987 (Agon), ISBN 9 0515 70 848, s. 290.
2. ↑ Haarlem Uitgeput ten Onder, yn: Kroniek van Nederland, Amsterdam, 1987 (Agon), ISBN 9 0515 70 848, s. 291.